Maqedoni e Veriut- Në më pak se katër ditë, 11 gjimnazistë në Shkup përfunduan me lëndime dhe fraktura në spital pasi kishin tentuar të bënin sfidën “Superman”.
Sfida e rrezikshme është gjithnjë e më e pranishme nëpër shkolla duke u përhapur me shpejtësi mes nxënësve të shkollave fillore.
Në Zelenikovë të Shkupit, afër shkollës fillore, Alsan shkruan se një baba ka raportuar në polici se djali i tij ka pësuar lëndim të rëndë nga kjo sfidë.
Sfida është që dikush të kërcejë me një krah të shtrirë si personazhi i librit komik Superman dhe grupi hedh në ajër djalin ose vajzën e sfiduar. Ai kërcen mbi një grup fëmijësh që ose do ta kapin ose jo. Kjo video është realizuar në njërën nga shkollat e mesme në Shkup.
Gjithashtu në një pjesë të shkollave fillore nga klasa e tetë dhe e nëntë e pranojnë këtë sfidë. Nga videot shihet shpesh që grupi largohet mënjanë dhe fëmija bie direkt në beton. Drejtori i spitalit “Naum Ohridski”, Nebojasha Nastov, sqaron se fëmijët kanë lëndime të ndryshme. Versus.al
