Paralizimi budjetor në Shtetet e Bashkuara ka ndikuar direkt në vonesën e dërgesave të armëve amerikane për aleatët e NATO-s dhe për Ukrainën. Sipas të dhënave të Departamentit të Shtetit amerikan, të siguruara nga faqja e lajmeve Axios, bëhet fjalë për eksport armësh me vlerë mbi 5 miliardë dollarë (rreth 4,3 miliardë euro).
Burime brenda Departamentit bëjnë të ditur se kjo vonesë prek sidomos dërgesat e missileve dhe sistemeve të armëve për vende si Danimarka, Kroacia dhe Polonia. Ende nuk dihet me siguri nëse këto armë do të mbeten në këto vende apo do të ri-dërgohen më pas drejt Ukrainës. Situata konsiderohet shumë e dëmshme për aleatët dhe për industrinë e mbrojtjes.
Paralizimi i qeverisë dhe ndikimi në armët
Ky “shutdown” përbën një mbyllje të pjesshme të shërbimeve qeveritare, e shkaktuar nga mosmarrëveshjet politike mbi financimin e administratave federale. Shumë zyrtarë janë dërguar në shtëpi pa pagë, përfshirë edhe punonjësit përgjegjës për shqyrtimin e kontratave dhe propozimeve për shitjen e armëve.
Ky paralizim budjetor është më i gjatë në historinë e SHBA-së, pasi republikanët dhe demokratët nuk kanë arritur të bien dakord në Kongres mbi një buxhet të ri.
