Kancelari gjerman Friedrich Merz mbrojti të dielën vendimin e tij për të ndaluar eksportet e armëve të caktuara në Izrael, mes rritjes së mospajtimit edhe në radhët e partisë së tij.
"Parimet e politikës gjermane ndaj Izraelit mbeten të pandryshuara. Ne do të vazhdojmë ta ndihmojmë këtë vend të mbrohet”- theksoi Merz në një intervistë të dhënë.
“Megjithatë, qeveria gjermane nuk mund të furnizojë me armë një konflikt që mund të shkaktojë qindra mijëra viktima civile”, shtoi ai.
Ai deklaroi se Berlini nuk pajtohet me qeverinë e Izraelit në këtë çështje, por nënvizoi se miqësia e tyre duhet t’u rezistojë kritikave.
"Dhe solidariteti me Izraelin nuk do të thotë që ne e konsiderojmë çdo vendim që merr një qeveri si të mirë dhe se ne e mbështesim atë, madje deri në masën e ofrimit të mbështetjes ushtarake në formën e armëve."
Vendimi i Merz, i njoftuar të premten, shkaktoi kritika të ashpra nga pjesë të Demokratëve të tij të Krishterë (CDU) konservatorë dhe partisë së saj simotër bavareze, Bashkimit Social Kristian (CSU), të cilët e akuzuan atë se nuk u konsultua me ta për embargon e armëve.
"Nuk e mora këtë vendim i vetëm, por në fund të fundit, është një vendim për të cilin jam përgjegjës vetëm unë", tha Merz. "Dhe marr përgjegjësinë e vetme për të. Por as unë nuk mund ta vë në votim demokratik."
Lëvizja, disa orë pas vendimit të qeverisë izraelite për të zgjeruar operacionet ushtarake në territorin bregdetar, përfaqëson një hap jashtëzakonisht të rëndësishëm për Berlinin, i cili ka qenë një nga mbështetësit më të fortë të Izraelit që nga sulmet e 7 tetorit 2023. Versus.al
