Gaza është përfshirë sërish nga luftimet pas 3 javësh armëpushimi të firmosur edhe nga presidenti i SHBA, Donald Trump dhe liderët e BE. Një zëdhënës i agjencisë së mbrojtjes civile të drejtuar nga Hamasi në Gaza i tha AFP-së se Izraeli nisi të paktën tre sulme ajrore.
më herët, kryeministri Benjamin Netanyahu urdhëroi sulme të menjëhershme drejt Hamasit duke pretenduar se këta të fundit kishin shkelur armëpushimin.
Ministri izraelit i Mbrojtjes, Israel Katz, ka thënë se Hamasi "do të paguajë një çmim të lartë", duke pretenduar se grupi ka sulmuar ushtarët e IDF në Gaza dhe ka shkelur marrëveshjen e armëpushimit.
"Sulmi ndaj ushtarëve të IDF në Gaza sot nga organizata terroriste Hamas po kalon një vijë të kuqe të ndritshme ndaj së cilës IDF do të përgjigjet me forcë të madhe.
"Hamasi do të paguajë me interes të përbërë për sulmin ndaj ushtarëve dhe shkeljen e marrëveshjes për kthimin e pengjeve të rënë", thotë Katz.
Kjo nuk është hera e parë që nga fillimi i armëpushimit që Izraeli ka thënë se ushtarët e tij janë sulmuar nga Hamasi - javën e kaluar IDF nisi sulme pasi tha se dy ushtarë vdiqën në Rafah. Hamasi tha se nuk ishte përgjegjës dhe nuk kishte pasur kontakt me luftëtarët në zonë që kur komunikimet u ndërprenë në mars. Versus.al
