Rreth 7 persona kanë mbetur të bllokuar në një shpellë në Laos prej pesë ditësh pasi hynë të kërkonin ar.
Mediat vendase shkruajnë se më 20 maj në provincën Xaysobun, në verilindje të kryeqytetit Vientiane, ata kishin shkuar atje "duke kërkuar ar", por shirat e rrëmbyeshëm shkaktuan përmbytje dhe bllokuan pikën e daljes së tyre.
Autoritetet lokale dhe banorët u përpoqën të largonin ujin nga shpella me ndihmën e pompave, por ekipet e shpëtimit ende nuk kanë arritur të arrijnë te grupi i fshatarëve.
"Ende nuk e dimë nëse janë ende gjallë", tha për AFP-në Bunkham Luanglat, kreu i shoqatës së shpëtimtarëve të Laosit, duke shtuar se rreth 100 persona ishin aktualisht të përfshirë në operacion.
Midis tyre janë dy shpëtimtarë tajlandezë dhe një specialist finlandez me bazë në rajon, të cilët kishin marrë pjesë në shpëtimin e vitit 2018 të një ekipi futbolli për fëmijë të bllokuar në një shpellë të përmbytur në Tajlandën veriore, në Tham Luang.
