Presidenti i Shteteve të Bashkuara, Donald Trump, i ka dërguar një mesazh të ri të ashpër Iran, duke paralajmëruar se koha për një marrëveshje po mbaron.
Në një postim në platformën e tij Truth Social, Trump shkroi se Teherani ka vetëm pak kohë për të vepruar, duke e shoqëruar mesazhin me një ultimatum të fortë 48-orësh.
Sipas tij, më herët ai i kishte dhënë Iranit një afat dhjetëditor për të ecur përpara me një marrëveshje ose për të hapur Strait of Hormuz, një nga rrugët më të rëndësishme detare për transportin e naftës në botë. Tani, presidenti amerikan duket se ka rritur ndjeshëm presionin.
“Koha po mbaron – 48 orë para se të shpërthejë e gjithë e keqja mbi ta,” shkroi Trump në postimin e tij, duke shtuar në fund: “Faleminderit Zotit! Presidenti Donald J. Trump.”
Ky mesazh vjen në një moment tensionesh të larta në Lindjen e Mesme, ndërsa përplasjet dhe kërcënimet mes SHBA-së dhe Iranit janë shtuar dhe komuniteti ndërkombëtar ka shprehur shqetësim për një përshkallëzim të mundshëm të konfliktit në rajon.
