Nafta nga rezervat strategjike të vendeve të Agjencisë Ndërkombëtare të Energjisë (IEA) së shpejti do të fillojë të rrjedhë në tregjet globale, pasi shtetet anëtare të organizatës vendosën të lirojnë një total prej 411.9 milionë fuçish - një sasi rekord - nga rezervat e tyre strategjike.
Qeveritë e IEA-s janë zotuar të vënë në dispozicion 271.7 milionë fuçi naftë nga rezervat shtetërore, 116.6 milionë fuçi nga rezervat e detyrueshme të industrisë dhe 23.6 milionë fuçi nga burime të tjera, thuhet në deklaratë.
IEA shtoi në deklaratën e saj se 72% e lëshimeve të planifikuara kanë të bëjnë me naftë bruto dhe 28% me produkte nafte.
Stoqet nga vendet e Azisë dhe Oqeanisë do të jenë të disponueshme menjëherë, ndërsa rezervat nga Evropa dhe Amerika do të jenë të disponueshme në fund të marsit.
Javën e kaluar, 32 vendet anëtare të Agjencisë Ndërkombëtare të Energjisë, përfshirë Shtetet e Bashkuara, vendosën të vazhdojnë me këtë lëshim për të zbutur pasojat ekonomike të luftës në Lindjen e Mesme.
Çfarë po e gjunjëzon gjigandin e automjeteve "Porche"?
Ngec sërish e-Albania, bizneset detyrohen të bëjnë “rojë nate”
Ulet çmimi i naftës në pikat e pakicës në Tiranë
