Konfidustria ka reaguar përsa i takon aludimeve se lufta në Gjirin Persik mund të ndikojë në ekonominë shqiptare. Duke i kërkuar qeverisë që të ndërmarrë masat e nevojshme ligjore, Konfindustria nënvizon se duhen kontrolluar që të shmangen spekulimet për çmimin e karburanteve si në rastin e luftës në Ukrainë.
Gjithashtu i kërkohet qeverisë që të përgatisë një paketë ligjore për të ulur barrën fiskale në rast të rritjes së fortë të çmimit të karburanteve.
“Konfindustria, duke u nisur nga pasojat e paparashikuara të luftës në Gjirin Persik në ekonomi kërkon, që ekzekutivi të marrë masat e domosdoshme ligjore, sidomos në tregun e karburanteve. Së pari, duhet kontrolluar zbatimi i ligjit në kompanitë e karburanteve për sigurimin e rezervës strategjike 3 mujore. Së dyti, duhen marrë masat ligjore në drejtimin rregullator të konkurencës në treg për të shmangur rrezikun e rikthimit të spekullimeve të çmimit të karburanteve si në rastin e krizës së luftës në Ukrainë në vitet 2021-22. Së treti, kërkojmë, që qeveria të përgatisi një paketë ligjore me synim uljen e barrës fiskale në rast të rritjes së fortë të çmimit të karburanteve në tregjet ndërkombëtare. Çmimi i naftës ka dhënë shenjat e menjëhershme të rritjes në bursë, duke e bërë të pashmangshme pasyrimin edhe në tregun vendor. Koha e zgjatjes së luftës është e paqartë”- thuhet në reagimin e Konfindustrisë. Versus.al
Zarzavatet kthehen në mall luksi, pse po na kushtojnë kaq shtrenjtë
Interesat e kredisë për shtëpi ranë për të dytin vit radhazi në 2025
