Çfarë do të gjeni në brendësi
Mori plumb në bark, Fabjel Toska niset me urgjencë drejt Traumës në gjendje të rëndë!
37 vjeçari Fabjel Toska (Xhindi), i cili mbeti i plagosur rëndë rreth orës 00:55 në vendin e quajtur “Dogana” në Berat është nisur me urgjencë drejt Spitalit të Traumës në Tiranë.
Gjendja e tij paraqitet e rëndë pas një plumbi që mori në bark. I plagosuri nuk dha detaje para hetuesve, por nga këqyrja e kamerave të sigurisë, të marra nga bizneset dhe banesat rreth zonës, është zbuluar edhe dinamika e ngjarjes.
Toska ka qenë duke udhëtuar me një mjet tip “Seat” me një shokë në rrugën Kombinat-Dimal.
Në pamjet filmike shihet edhe një tjetër mjet tip Foristradë me ngjyrë të zezë dhe të dy mjetet janë parakaluar disa herë me njëra tjetrën.
Pas manovrave me makina, 37-vjeçari ka dalë nga automjeti dhe ka shkuar te xhami nga ana e shoferit, për tu sqaruar se përse po e ndiqte nga prapa dhe po e parakalonte. Por sapo shoferi hap xhamin e qëllon me një plumb në bark.
Sipas policisë i plagosuri dhe shoku me të cilin ndodhesh në automjet nuk kanë pasur njohje të mëparshme.
Grupi hetimor nën drejtimin e Prokurorisë po vijon hetimet për të zbardhur të plotë dinamikën e ngjarjes./Versus.al
EMRI/ I parakaloi një makinë, si u plagos 37 vjeçari me armë zjarri
37-vjeçari Fabjel Toska (Xhindi) i cili mbeti i plagosur me armë zjarri pas rreth orës 00: 55 në Berat, dyshohet se është përfshirë në një konflikt.
37 vjeçari ka qenë duke udhëtuar me makinë së bashku me një shok, por dyshohet se një makinë tjetër i ka parakaluar, dhe u ka bërë shenja me drita të ndalonin.
Toska ka shkuar për sqarim por pas një debati verbal dyshohet se e kanë qëlluar me një plumb në bark. Kjo është dëshmia paraprake për ngjarjen, por mbetet për tu vërtetuar nëse Fabjel Toska (Xhindi) do të bashkëpunojë me autoritetet, për të treguar rrethanat e sakta të ngjarjes.
Njoftimi i policisë:
Rreth orës 00:55, është dërguar në spital për ndihmë mjekësore shtetasi F. T. (Xh)
37 vjeç, banues në Berat, i plagosur me armë zjarri në rrethana ende të paqarta, në hyrje të qytetit.
37-vjeçari ndodhet jashtë rrezikut për jetën.
Menjëherë është ngritur grupi hetimor dhe, nën drejtimin e Prokurorisë, vijojnë intensivisht hetimet për zbardhjen e rrethanave dhe sigurimin e provave, me qëllim dokumentimin ligjor të ngjarjes, identifikimin dhe kapjen e autorit/Versus.al
U plagos rëndë me armë zjarri, 37 vjeçari niset drejt spitalit të Traumës
EMRI/ Plagoset me armë zjarri 37 vjeçari, detajet e para
Një 37 vjeçar ka mbetur i plagosur me armë zjarri në Berat. Ngjarja ka ndodhur pas mesnatës, rreth orës 00:55, ku i riu ka shkuar me plagë në Spitalin Rajonal të Beratit.
Sipas policisë ngjarja ka ndodhur në rrethana të paqarta, i plagosuri është shtetasi Fabjel Toska (Xhindi). Gjatë marrjes në pyetje nuk kanë treguar detajet rreth plagosjes.
Raportohet se i plagosuri ndodhet jashtë rrezikut për jetën. Policia dhe prokuroria po vijojnë hetimet për të zbardhur të plotë rrethanat e ngjarjes.
Njoftimi i policisë:
Rreth orës 00:55, është dërguar në spital për ndihmë mjekësore shtetasi F. T. (Xh)., 37 vjeç, banues në Berat, i plagosur me armë zjarri në rrethana ende të paqarta, në hyrje të qytetit.
37-vjeçari ndodhet jashtë rrezikut për jetën.
Menjëherë është ngritur grupi hetimor dhe, nën drejtimin e Prokurorisë, vijojnë intensivisht hetimet për zbardhjen e rrethanave dhe sigurimin e provave, me qëllim dokumentimin ligjor të ngjarjes, identifikimin dhe kapjen e autorit/ve.
