Banorët e formatit “Ferma VIP” duket se kanë gjetur një metodë për të thyer rregullat e izolimit dhe për të marrë informacione nga të afërmit e tyre mbi pëlqyeshmërinë e tyre jashtë fermës. Dyshohet se konkurrentët janë dakordësuar me familjarët e tyre para hyrjes në program duke i orientuar ata që ngjyrat e veshjeve t’i përdorin si kode për t’u treguar se duhej të ndryshonin taktikë loje.
Vetë moderatorja Arbana Osmani e ka konfirmuar përdorimin e kësaj taktike duke thënë se produksioni është në dijeni dhe se do të marrë masat e caktuara për ta ndaluar. Gjithashtu ajo njoftoi
se për çdo kërkesë të konkurrentëve për të braktisur programin me dëshirë të plotë, do të aplikohet një zbritje e menjëhershme prej 10 mijë eurosh nga shuma e çmimit të madh final. Versus.al
