Kryetari i grupit parlamentar të PD-së, Gazment Bardhi ka dërguar një shkresë drejtuar kryeparlamentares Elisa Spiropali ku i kërkon kësaj të fundit që shqyrtimi i papajtueshmërisë së mandatit të deputetit socialist Vullnet Sinaj t’i kalojë Gjykatës Kushtetuese.
Bardhi e cilëson si cënim të kushtetutës mungesën e një mbledhje tjetër të këshillit të legjislacionit nga ana e kryeparlamentares Spiropali.
“Ky pengim i Kryetares së Kuvendit është një shkekje flagrante e Kushtetutës dhe Rregullores së Kuvendit dhe gjithashtu cenim flagrant i të drejtës kushtetuese të 1/10 të deputetëve të Kuvendit të Shqipërisë”- thuhet mes rreshtave të shkresës.
Deputetët e Partisë Demokratike pretendojnë se Sinaj ka shkelur rregulloren e mandatit të tij si deputet duke e akuzuar këtë të fundit se me anë të bizneseve të tij private ka përfituar nga fonde shtetërore. Deputeti socialist pretendon se nuk ka një shkelje të tillë dhe se ai vetë ka hequr dorë nga administrimi i bzneseve që prej se mori mandatin. Mbledhja e fundit u zhvillua më 18 shtator në Këshillin e Legjislacionit, mbledhje e cila u ndërpre pasi u mor vesh lajmi i ndarjes nga jeta e ish-deputetit demokrat, Gerti Bogdani. Versus.al
