Kryetari i Partisë Demokratike, Sali Berisha ka mbajtur një bashkëbisedim me komentuesit në rrjetet sociale, të cilëve u është përgjigjur për çështje të caktuara për të cilat e kanë pyetur.
Sa i takon situatës në PD, Berisha tha se ka nisur procesi i analizimit brenda partisë për zgjedhjet e 11 majit, ndërsa theksoi se nuk ka ndërmend të japë dorëheqjen duke pretenduar se kjo gjë do t’i shërbente Ramës. Sipas tij, mund të largohet vetëm nëse demokratët e vendosin me votë.
“PD është një parti e cila përcakton fatin e drejtuesve të saj nëpërmjet votës. Në kushtet e një pluralizmi funksional nuk ka asnjë dyshim që humbja e zgjedhjeve është kriteri më i shëndoshë për dorëheqjen e atyre që drejtojnë. Por në kushtet farës dhe narkoshtetit, në kushtet kur zgjedhjet janë farsë, një akt i tillë do t’i shërbente diktatorit dhe atyre që shtypin pluralizmin, një akt i tillë nuk mund të ndodhë veçse me votën e demokratëve shqiptarë. Në kushtet e diktaturave autoritare largimi nga misioni bëhet vetëm përmes votës”, u shpreh Berisha.
Ndërsa shtoi se foltoret nuk do të jenë vetëm para kryeministrisë, por të shpërndara në të gjithë vendin.
“Këtë javë nisim foltoret jashtë Tiranë dhe do vazhdojmë në të gjithë vendin”- shtoi kreu i PD. Versus.al
