Xhemal Qefalia, ish-deputeti i PS i cili nuk arriti të zgjidhej deputet në Tiranë pas garës në listat e hapura, ka marrë së fundmi një post të rëndësishëm.
Burime bëjnë me dije se këshilli i ministrave ka miratuar propozimin e bërë nga ministrja e Brendshme, Albana Koçiu për emërimin e Qefalisë si zëvendës ministër i Brendshëm.
Qefalia priste që të rikthehej në Kuvend për të zëvendësuar Ogerta Manastirliun e cila do të kandidonte për bashkinë e Tiranës, por me vendimin e Kushtetueses që riktheu Erion Veliajn në detyrë, iu prishën planet edhe Qefalisë i cili u emërua zv.ministër.
Ky emërim vjen një ditë pas atentatit mafioz të ditës së djeshme në Rinas me 1 të vrarë dhe një të plagosur, gjë që shkaktoi rritjen e pasigurisë tek qytetarët sa i takon situatës së rendit në vend. Versus.al
