Ish-ministri i Financave, Arben Malaj nëpërmjet një statusi në rrjetin e tij social ka thumbuar kryeministrin Edi Rama duke i kujtuar se për çfarë bashkëpunonin para 2013-ës, kur PS ishte ende në opozitë.
Në shkrimin e publikuar në rrjetet sociale, Malaj lë të kuptohet kundërshtitë që kishte me Ramën për shkak të dëshirës së këtij të fundit për pushtet të përjetshëm dhe absolut. Mes rreshtash, i kujton shitësen e moshuar të gazetave para selisë së PS dhe më pas ndarjen e shkaktuar nga babëzia pas 2013-ës.
“Para 2005 na bashkonte Sheqerja, shitësja e urtë dhe ëmbël e gazetave përpara selisë së PS-së. Pas 2013 na ndau babëzia. Babëzia e dikujt për pushtet të përjetshëm dhe absolut dhe e imja që mbeti përherë per dijen, për kohezionin dhe solidaritetin social.
Koha do të mbetet gjykatësi më i mirë se kush zgjodhi rrugën më të mirë dhe jo vetëm për veten. E bekuar qoftë përherë dhe kudo Sheqerja! A”-shkruan Malaj në statusin e tij në rrjetin social facebook. Versus.al
