Komisioni Qendror i Zgjedhjeve ka publikuar në media modelin e fletës së votimit për zgjedhjet e pjesshme lokale që do të mbahen në 5 bashki të vendit, ndërsa ato të Tiranës janë ende të pezulluara deri në vendimmarrjen e Gjykatës Kushtetuese mbi ankimin e Erion Veliajt.
PD nuk do ta ketë emrin e regjistruar pasi nuk ka kandidatë të saj, por këtë herë zgjodhi të mbështeste ata që kanë shpallur kandidaturat e pavarura. Kërkesa e dorëzuar në KQZ nga demokratët, përmban emrat e anëtarëve për KZAZ. Gjithashtu anëtarë të PD-së do të ketë dhe në qendrat e votimit dhe në grupet e numërimit, njësoj si dhe PS.
Ndërkohë përveç PS dhe PD, kërkesën për regjistrim në zgjedhjet e pjesshme e ka depozituar edhe Partia për Zhvillim Kombëtar.
Dje PD zyrtarizoi listën e kandidatëve të pavarur që mbështet në këto zgjedhje të parakohshme që do të mbahen në Berat, Tepelenë, Cërrik, Mat dhe Vlorë ku kryebashkiakët janë dorëhequr.
Kandidatët e mbështetur nga PD (të gjithë janë kandidatë të pavarur):
Bashkia Berat – Pal Shkarpa
Bashkia Tepelenë – Gabriel Guma
Bashkia Cërrik – Amarildo Hoxha
Bashkia Mat – Eduart Brahilika
Bashkia Vlorë – Dionis Sota
Bashkia Tiranë – Florjan Binaj
Kandidatët e Partisë Socialiste:
Bashkia Berat – Ervin Ceca
Bashkia Tepelenë – Gramoz Sako
Bashkia Cërrik – Florenc Doka
Bashkia Mat – Altin Bojni
Bashkia Vlorë – Brunilda Mersini
Bashkia Tiranë – Ogerta Manastirliu. Versus.al
