Komisioni Qendror i Zgjedhjeve i ka kërkuar Kuvendit shtimin e numrit të punonjësve të administratës së institucionit në prag të zgjedhjeve parlamentare të 2025-ës me qëllim mbulimin e shërbimeve të ndryshme si teknikë kompjuterash, postierë, fotokopjues, operatorë.
Në tota, KQZ kërkon 393 punonjës shtesë të angazhuar me kohë të plotë për mbarëvajtjen e procesi zgjedhor gjatë zgjedhjeve që do mbahen në pranverën e vitit të ardhshëm. 58 prej punonjësve kërkohet që të punësohen këtë vit me afat kohor 2 muaj me qëllim përmbushjen e nevojave që ka institucioni.
Ditë më parë, KQZ po ashtu dorëzoi një propozim ndaj partive politike duke hedhur si opsion zhvillimin e votimit elektronik në qarqet e Durrësit dhe Elbasanit, duke i përcaktuar këto si të vetmet qarqe për të cilat aktualisht ekziston infrastruktura e nevojshme për të realizuar një votim të tillë. Deri më 19 tetor, partitë politike duhet të dorëzojnë një përgjigjie lidhur me këtë propozim të bërë nga KQZ. Versus.al
