Një histori e rrallë dhe plot frymëzim po qarkullon prej disa ditësh në rrjetet sociale.
Bëhet fjalë për Theo Haskën, vogëlushin shqiptar që ka treguar një lidhje të jashtëzakonshme me futbollin që në muajt e parë të jetës.
Sipas familjarëve, gjithçka nisi që kur Theo ishte vetëm 7 muajsh, në atë moshë, fjala e tij e tretë ishte “GOL”.
Një moment i pabesueshëm që familja e mban mend me emocione dhe që, siç duket, parashikoi pasionin e madh të djalit për topin.
Me kalimin e kohës, prindërit vendosën të ndajnë momentet e lojërave të tij plot energji në rrjetin social TikTok, ku hapën faqen “theo.haska”.
Videot e vogëlushit, që shfaqin gëzimin dhe spontanitetin e tij me topin, morën menjëherë dhjetëra mijëra pëlqime dhe ndjekës.
Por momenti më emocionues erdhi kur një nga videot u bë virale dhe mori një koment nga vetë klubi italian AC Milan.
Reagimi nga gjigandët e Serie A u kthye në një ëndërr të realizuar për familjen Haska e cila më pas u ftua në një takim special me skuadrën e Milanit.
View this post on Instagram
Sot, Theo është vetëm në fillimet e tij, por dashuria për futbollin duket e lindur me të.
Ai po fiton zemrat e ndjekësve në mbarë botën dhe tregon me shembullin e tij se ëndrrat e mëdha nisin që në hapat e parë të jetës./Versus.al
