Protestuesit mblidhen sërish kundër projektit në Zvërnec, marshim drejt Kryeministrisë.
Qytetarë dhe aktivistë janë mbledhur sërish në protestë kundër projektit për ndërtimin e resortit turistik në Zvërnec. Tubimi nisi në sheshin “Skënderbej”, ku pjesëmarrësit u grumbulluan me pankarta dhe thirrje kundër projektit, përpara se të niseshin në marshim drejt Kryeministrisë.
Gjatë protestës u dëgjuan slogane si “Shqipëria e shqiptarëve, jo e tradhtarëve”, ndërsa protestuesit kërkojnë ndalimin e projektit, duke shprehur shqetësime për ndikimin e tij në mjedis dhe në zonën e mbrojtur të Zvërnecit.
Kjo është një nga protestat e radhës kundër investimit të planifikuar në zonë, një projekt që ka nxitur debat të gjerë publik mes mbështetësve dhe kundërshtarëve të tij./Versus.al
