Një tjetër skandal ka përfshirë botën e korporatave. CEO i kompanisë “Astronomer” ka dhënë dorëheqjen pasi u kap në një moment intim me një kolege gjatë një koncerti të grupit Coldplay të martën.
Sipas asaj që raporton Daily Mail, sjellja e tij gjatë ngjarjes ka shkaktuar jo vetëm reagime të shumta në publik dhe rrjetet sociale, por ka ndezur edhe një hetim të brendshëm ndaj tij nga kompania. Videoja e incidentit është bërë virale në rrjet, ndërsa presioni publik dhe ai brenda bordit drejtues duket se e ka detyruar drejtuesin e lartë të japë dorëheqjen menjëherë pas ngjarjes.
Ngjarja është komentuar gjerësisht edhe për faktin që sjellja e tij është konsideruar joetike, veçanërisht duke qenë në një pozicion të tillë autoriteti brenda kompanisë.
Për më shumë detaje, Daily Mail i referohet një hetimi në zhvillim që mund të sjellë pasoja të mëtejshme për figurën publike të përfshirë. /Versus.al
