Presidenti i Serbisë, Aleksandër Vuçiç vijon të mbajë marrëdhënie të ngushta me Rusinë, përkundër zhvillimeve gjeopolitike në rajon dhe thirrjes së BE-së për të sanksionuar Moskën zyrtare.
Ditën e sotme ka njoftuar se ka zhvilluar një bisedë telefonike me presidentin e Rusisë, Vladimir Putin.
“Një bisedë shumë e mirë me Presidentin e Federatës Ruse Vladimir Vladimirovich Putin”, shkroi ai në një postim në Instagram, ku tregoi me video se çfarë biseduan pas më shumë se 2 vitesh pa kontakte publike mes tyre.
“Shkëmbyem mendime për të gjitha çështjet tona të rëndësishme dypalëshe, duke përfshirë ato ekonomike”, tha Vuçiç.
Mes të tjerash, Vuçiç tha se e ka falenderuar Putinin për garantimin e sasive të mjaftueshme të gazit me çmime të favorshme për Serbinë këtë dimër. Versus.al
