Donald Trump festoi ardhjen e Vitit të Ri në galën e Vitit të Ri që organizoi - siç bën çdo vit - në rezidencën e tij, Mar-a-Lago, në Florida. Në
këtë ngjarje madhështore morën pjesë të afërm të ngushtë të presidentit amerikan, zyrtarë qeveritarë, aleatë politikë dhe miq të tij milionerë.
.@POTUS and @FLOTUS arrive for the New Year's Eve Celebration at Mar-a-Lago.@POTUS says his wish for 2026 is "peace on earth." ????️ pic.twitter.com/8laOp60NMd
— Rapid Response 47 (@RapidResponse47) January 1, 2026
Presidenti i SHBA-së, Donald Trump, i shoqëruar nga bashkëshortja e tij Melania, përcolli një mesazh për "paqe në Tokë".
I veshur me një smoking të zi, Donald Trump foli shkurt me gazetarët jashtë sallës së ballo Mar-a-Lago, me Melania Trump që qëndronte pranë tij, e veshur me një fustan mahnitës argjendi.
I pyetur për prioritetet e tij për vitin 2026, ai u kufizua në frazën "paqe në Tokë", përpara se të nisej për në shtëpi për eventin e Vitit të Ri.
"Jemi kthyer. Jemi të fortë", shtoi ai.
Ndër të ftuarit në eventin e shkëlqyer ishte kryeministri izraelit Benjamin Netanyahu, i cili ishte takuar me Trump disa ditë më parë për të diskutuar zhvillimet rreth marrëveshjes së armëpushimit në Gaza. Në të morën pjesë edhe djemtë e presidentit, Donald Trump Jr. dhe Eric Trump, si dhe nusja e tij, Lara Trump.
