Një tërmet me magnitudë 7.8 ballë goditi rajonin Mindanao në Filipinet jugore të hënën, sipas Shërbimit Gjeologjik të Shteteve të Bashkuara (USGS), duke shkaktuar skena paniku në disa pjesë të arkipelagut, ndërsa ndërtesat u shembën dhe u raportuan disa vdekje.
Tërmeti goditi rreth orës 07:37 të mëngjesit sipas kohës lokale në një thellësi prej rreth 35 kilometrash, sipas Shërbimit Gjeologjik të SHBA-së.
Disa vdekje janë konfirmuar, sipas Zyrës së Mbrojtjes Civile, ndërsa ekipet e reagimit ende po përpiqen të verifikojnë më shumë raportime për viktima në terren.
Agjencia sizmologjike e vendit, Instituti Filipinas i Vullkanologjisë dhe Sizmologjisë, tha se tërmeti goditi brigjet e Qytetit General Santos në provincën Sarangani, maja më jugore e ishullit Mindanao. Fotot nga zyra lokale e informacionit në qytetin General Santos, i cili ka rreth 720,000 banorë, treguan dyqane dhe ndërtesa që u shembën pas tërmetit. Ndërsa është ngritur edhe alarmi për tsunami. Versus.al
