Një nga drejtuesit e NASA, administratori i asociuar Amit Kshatriya, deklaroi se suksesi i misionit Artemis II po hap një kapitull të ri në eksplorimin hapësinor.
“Bëmë një hap të madh sonte për të na çuar drejt sipërfaqes së Hënës,” tha ai. “Mendoj se rruga drejt saj tashmë është e hapur.”
Kshatriya rikujtoi gjithashtu herën e fundit kur njerëzit iu afruan Hënës gjatë misionit Apollo 17, duke theksuar se pas programit Apollo program ritmi i eksplorimit u ngadalësua. Megjithatë, sipas tij, puna e NASA-s nuk u ndal kurrë.
“Gjatë programit Apollo kuptuam se ripërdorimi i mjeteve hapësinore ishte shumë i rëndësishëm. Për këtë arsye ndërtuam një anije hapësinore me krahë, të njohur si Space Shuttle, dhe e përdorëm atë për të ndërtuar një stacion hapësinor,” u shpreh ai.
Ai shtoi se për më shumë se 25 vite, përmes punës në International Space Station, shkencëtarët kanë mësuar si të jetojnë dhe punojnë në hapësirë, duke zhvilluar teknologjitë e nevojshme për misione më të avancuara.
“Sot jemi në një pikë ku edhe arkitektët e Apollo-s do të ishin krenarë. Tashmë jemi gati të rikthehemi në Hënë – dhe këtë herë për të qëndruar, sepse kemi mësuar gjithçka që na nevojitej,” përfundoi ai.
VIDEO | Houston, USA: Amit Kshatriya, NASA's Associate Administrator says, "When you fly the crew, you can be paralysed by risk, because you understand what's at stake."
— Press Trust of India (@PTI_News) April 11, 2026
(Source: Third Party)
(Full video available on PTI Videos - https://t.co/n147TvrpG7) pic.twitter.com/EmE0tgrBCP
