Në SHBA aksionet e policisë së imigracionit kanë ngjallur shumë pakënaqësi tek amerikanët. Së fundmi janë shpërndarë në rrjetet sociale pamje që tregojnë agjentët e ICE-së duke arrestuar një fëmijë 5 vjeçar të kopshtit në Minesota.
Në pamje shihet momenti kur fëmija 5 vjeçar shoqërohet nga agjentët e imigracionit duke e hipur në makinën e tyre. Për këtë ngjarje ka reaguar edhe zv.presidenti amerikan J.D Vance i cili pretendoi se ICE mori përsipër fëmijën 5-vjeçar sepse babai i tij, të cilin ai e përshkroi si një “emigrant të paligjshëm”, iku për të shmangur arrestimin nga agjentët.
“Unë thashë, ‘O Zot, kjo është e tmerrshme. Si mund të arrestojmë një fëmijë pesëvjeçar?'”, tha Vance, duke shtuar se kishte ndryshuar mendje për veprimin e ndërmarrë nga ICE. “Çfarë duhej të bënin? Të linin një fëmijë pesëvjeçar të vdiste nga të ftohtit?”, pyeti ai.
Video obtained by CBS News shows the moment ICE agents took 5-year-old Liam Ramos in Minneapolis. The boy was taken with his father while in their driveway after just arriving home from his preschool classroom.
— CBS News (@CBSNews) January 23, 2026
School officials say the child was used as bait to knock on the… pic.twitter.com/BdyqG2t6Ni
Fëmija, 5-vjeçari Liam Conejo Ramos, u arrestua së bashku me të atin, Adrian Alexander Conejo Arias, në rrugën ngjitur me shtëpinë e tyre dhe sipas Departamentit të Sigurisë Kombëtare, e gjitha ndodhi kur Adrianit iu afruan agjentët në hyrje të shtëpisë së tij, pasi kishte marrë djalin e tij 5-vjeçar nga kopshti. Versus.al
