Kabllot nënujore që transportojnë komunikimet ndërkombëtare dhe internet janë prerë në Detin e Kuq, njoftoi Microsoft të shtunën vonë, duke shkaktuar ndërprerje të trafikut të internetit në Azi dhe Lindjen e Mesme, sipas një organizate monitorimi të aksesit në internet.
Microsoft njoftoi se përdoruesit e shërbimit të saj cloud, Azure, mund të përjetojnë vonesa në lidhje, për shkak të këtyre ndërprerjeve nënujore në Detin e Kuq. Trafiku që nuk kalon nëpër rajon nuk është prekur.
Organizata NetBlocks raportoi se ndërprerjet ndikuan në internetin e Indisë, Pakistanit dhe Emirateve të Bashkuara Arabe, duke shënuar dështime në sistemet e kabllove SMW4 dhe IMEWE pranë Xheddahut të Arabisë Saudite.
Ndërprerje të ndjeshme janë ndjerë edhe në Pakistani, për shkak të uljes së kapacitetit të bandwidth dhe zakonet e përdorimit gjatë orëve më të ngarkuara.
Kabllot nënujore mbulojnë mbi 99% të komunikimit ndërkombëtar të të dhënave, duke qenë shtylla kurrizore e internetit. Në Detin e Kuq kalon një pjesë jashtëzakonisht e madhe e trafikut botëror, duke e bërë këtë zonë një pikë vërtet të brishtë.
Përveç kësaj, prishjet e mëparshme – si ato në mars 2024 – kanë dëshmuar se ndërprerjet mund të prekin deri në 25–70% të trafikut global.
Shkaku i saktë i prerjes nuk është konfirmuar ende. Megjithatë, dyshimet janë të shumta:
Ka dyshime për sabotazhin e grupeve si Houthit, pjesë e konfliktit në Jemen, të cilët kanë mohuar përfshirjen, megjithëse debate e tensione rajonale mbizotërojnë. Po ashtu, aksidentet detare të shkaktuara nga anijet që janë ngjarje të përsëritura në Detin e Kuq. Pamja është e paqartë, por pasojat janë ndjerë fuqimisht.
Microsoft aktualisht po ridrejton trafikun përmes rrugëve alternative për të minimizuar ndikimin tek përdoruesit e Azure. Kompania premtoi përditësime të shpejta rreth situatës në vijim.
