"Ne festojmë Krishtlindjet në kohë të vështira. Fatkeqësisht, jo të gjithë jemi në shtëpi dhe, për fat të keq, jo të gjithë kemi një shtëpi. Por, pavarësisht problemeve që ka sjellë Rusia, ajo nuk është në gjendje të pushtojë ose bombardojë gjënë më të rëndësishme: zemrën tonë ukrainase. Besimin tonë të ndërsjellë dhe unitetin tonë."
Ky është një nga fragmentet nga mesazhi që Presidenti ukrainas Volodymyr Zelensky i drejtoi vendit me rastin e Krishtlindjeve.
"Sot, ukrainasit festojnë Krishtlindjet së bashku në të njëjtën datë, si një familje e madhe", shtoi ai.
Zelensky më pas theksoi se ëndrrat e të gjithë ukrainasve këto ditë janë të ngjashme, duke iu referuar fatit të mundshëm të Vladimir Putinit , të cilin nuk e përmendi.
"Sot të gjithë kemi një ëndërr. Që të vdesë, të gjithë mund të mendojnë me vete", tha presidenti ukrainas.
"Por kur i drejtohemi Zotit, sigurisht, kërkojmë diçka më të madhe. Kërkojmë paqe për Ukrainën. Luftojmë për të. Dhe lutemi për të. Dhe e meritojmë", shtoi ai.
