Alarmi për një sulm ajror rus të mundshëm ka detyruar jo vetëm qytetarët por dhe krerët e lartë të shtetit të strehohen në bunker.
Alarmi u aktivizua në kryeqytetin Vilnius rreth orës 10:20 të mëngjesit, duke ndërprerë trafikun ajror dhe hekurudhor në zonë. Mesazhi emergjent i Ministrisë së Mbrojtjes u dërgua në telefonat e qytetarëve me thirrjen “Alarm ajror! Shkoni menjëherë në strehë ose në një vend të sigurt, kujdesuni për familjarët dhe prisni udhëzime të mëtejshme.”
Ky është alarmi i parë i këtij lloji në një vend të European Union dhe NATO që nga nisja e pushtimit rus të Ukrainës në vitin 2022.
Shkollat evakuuan nxënësit drejt strehimoreve, ndërsa banorët e pallateve dhe punonjësit e zyrave u strehuan në bodrume. Presidenti i Lituanisë, Gitanas Nausėda, dhe kryeministrja Inga Ruginienė u dërguan me urgjencë në bunkerë së bashku me ministra dhe deputetë.
Presidentja e Komisionit Evropian, Ursula von der Leyen, deklaroi se Russia dhe Belarus mbajnë përgjegjësi direkte për valën e fundit të dronëve që kanë depërtuar në hapësirat ajrore të vendeve baltike.
Sekretari i Përgjithshëm i NATO-s, Mark Rutte, tha se edhe nëse dronët janë nisur nga Ukraina, përgjegjësia mbetet e Rusisë për shkak të luftës që ka shkaktuar në rajon.
Sipas ushtrisë lituaneze, radarët zbuluan një sinjal tipik të një mjeti fluturues pa pilot që vinte nga hapësira ajrore e Bjellorusisë. Kreu i Qendrës Kombëtare të Menaxhimit të Krizave, Vilmantas Vitkauskas, deklaroi se objekti mund të ketë qenë një dron luftarak ose një mjet mashtrues për sistemet mbrojtëse.
Ministri i Mbrojtjes i Lituanisë, Robertas Kaunas, tha se droni kishte hyrë nga Latvia dhe ende nuk dihet nëse është rrëzuar apo është larguar nga hapësira ajrore lituaneze. Avionët luftarakë të NATO-s nuk arritën ta lokalizonin.
Ndërkohë, kryeministri i Poland, Donald Tusk, paralajmëroi se lufta Rusi-Ukrainë mund të çojë shumë shpejt në një reagim më të fortë nga vendet e NATO-s.
Tensionet në rajonin baltik janë rritur ndjeshëm javët e fundit, mes frikës se lufta në Ukrainë mund të përhapet edhe në territorin e vendeve aleate të NATO-s.
View this post on Instagram
