Vrasja e “El Menchos”, kreut të kartelit të Jaliscos ka shkaktuar kaos total në një aeroport të meksikës ku shihen turistë të shumtë të cilët vrapojnë për t’u larguar nga terminali për shkak të ndonjë sulmi të mundshëm të kartelit.
Dhuna ka arritur kulme të reja në të gjithë qytetin e Guadalajarës në juglindje të Meksikës në shenjë hakmarrjeje për vrasjen e udhëheqësit të kartelit të Jaliscos, 'El Mencho', në një sulm ushtarak të mbështetur nga SHBA-të të dielën.
Sulme brutale janë përhapur në 20 shtete, ndërsa banda e drogës merr hakmarrje të pamëshirshme. 25 anëtarë të Gardës Kombëtare u vranë në Jalisco dhe më shumë se 30 anëtarë të Kartelit kanë vdekur, si dhe një roje burgu dhe një anëtar i zyrës së prokurorit të shtetit.
Shpërthyen të shtëna me armë pranë Aeroportit Ndërkombëtar të Guadalajarës dhe makinat u dogjën jashtë, ndërsa turistët u fshehën pas karrigeve dhe u përplasën mbi valixhe, të shqetësuar se mos u binin në dorë.
Një turiste amerikane, Katy Holloman, nga El Dorado Hills, shkroi në Facebook për të folur për përvojën e saj të hidhur pasi iu tha të strehohej në hotelin e saj pasi ishte më e sigurt sesa të përpiqej të udhëtonte për në aeroport. Versus.al
