Një roman për fëmijë i vitit 1893 nga autorja amerikane Ingersoll Lockwood ka rikthyer në vëmendje një teori konspirative që lidh Barron Trump me udhëtimin në kohë.
Libri “Baron Trump’s Marvelous Underground Journey” rrëfen historinë e një djali të pasur me emrin Baron Trump, që jeton në një kështjellë dhe nis një aventurë drejt Rusisë, i shoqëruar nga një personazh i quajtur Don.
Ngjashmëritë në emra dhe detaje kanë nxitur spekulime në rrjetet sociale, të cilat u rindezën pasi tema u përmend në podcastin e Lara Trump.
Megjithatë, Lara Trump i ka hedhur poshtë këto pretendime, duke i cilësuar si të pabaza dhe duke theksuar se Barron Trump është thjesht një i ri që ajo e ka parë të rritet ndër vite.
Teoria është ushqyer edhe nga një tjetër libër i Lockwood-it, “The Last President”, ku përshkruhet një figurë politike nga Nju Jorku që bëhet president mes trazirash, çka disa e krahasojnë me ngjarje moderne në SHBA.
Pavarësisht spekulimeve, ekspertët theksojnë se udhëtimi në kohë mbetet pjesë e fantashkencës. Edhe fizikani i njohur Stephen Hawking ka shprehur skepticizëm, duke theksuar se mungesa e “vizitorëve nga e ardhmja” është prova më e mirë që ai nuk është i mundur./Versus.al
