Aktori Laert Vasili ka reaguar për herë të parë pas situatës së krijuar në emisionin televiziv “Për’puthen”, ku ai u ngrit nga vendi dhe puthi konkurrenten Esmeralda, duke shkelur rregullat e formatit.
Ngjarja shkaktoi reagime të shumta dhe solli ndërhyrjen e menjëhershme të moderatores Megi Pojani, e cila kërkoi largimin e tij nga programi.
Në një video të publikuar nga produksioni, Vasili u shfaq i penduar dhe kërkoi ndjesë publike si ndaj konkurrentes ashtu edhe ndaj publikut.
Ai theksoi se askush nuk është i përkryer dhe se gabimet janë pjesë e natyrshme e njeriut, por shtoi se është e drejtë që ato të kenë pasoja.
“Dua t’ju falënderoj për emocionet që më keni dhuruar gjatë këtij rrugëtimi. Të gjithë bëjmë gabime, por është e drejtë që ato të ndëshkohen. Nëse në një moment kam cenuar personalitetin e saj, i kërkoj ndjesë. Kërkoj falje edhe ndaj produksionit dhe gjithë stafit,” u shpreh ai në reagimin e tij.
Incidenti ka ndezur debat në rrjetet sociale mbi kufijtë e sjelljes në formatet televizive dhe respektimin e rregullave në programe të tilla.
View this post on Instagram
