Deputetja aktuale e Partisë Demokratike Flutura Açka, nëpërmjet një postimi të bërë së fundmi në rrjetin e saj social, ka ironizuar qëndrimet e fundit të zyrtarëve demokratë kundrejt Prokurorisë së Posaçme (SPAK).
Duke marrë si shembull nënkryetarët e PD, ligjvënësja tha po bëhet një “garë” se cili akuzon më shumë SPAK-un me qëllim për të bërë figurë sa më të mirë tek Berisha dhe të kenë postin e kreut të grupit parlamentar që aktualisht mbahet nga Gazment Bardhi.
“Janë vënë në radhë nënKryetarët e PD-së tuj sha me të madhe SPAK, kush me u zgjedh Kryetar i Grupit Parlamentar! Ndërkohē demokratët…”- shkruan Açka.
Së fundmi edhe Gazment Bardhi e Belind Këlliçi kanë dalë me pyetje kundrejt SPAK-ut sa i takon krimeve zgjedhore për të cilat shprehen se nuk janë hetuar dhe për afera të tjera si inceneratori i Tiranës dhe afera 5D ku sipas PD i përfshirë është edhe kryebashkiaku Erion Veliaj i cili është marrë i pandehur për dosje tjetër. Versus.al
