Aktivistja republikane në SHBA, Evi Kokalari ka njoftuar nëpërmjet rrjeteve sociale se ka dorëzuar një kallëzim në SPAK për kryedemokratin Sali Berisha, fëmijët e tij dhe mbështetësit e tij besnikë brenda partisë.
Sipas Kokalarit, Berisha dhe mbështetësit e tij "kanë marrë peng PD-në". Këtë pretendim ajo e ka shoqëruar me detaje nga Kuvendi i 30 prillit të vitit 2022.
Postimi i plotë i Evi Kokalarit:
Sot në mëngjes kam bërë kallëzim penal në SPAK për marrjen peng të Partisë Demokratike nga familja Berisha dhe rrethi i tij, për arsye të qarta korrupsioni dhe për t’u përdorur si mburojë kundër vetë SPAK-ut.
Kallëzimi është kundër:
Sali Berishës
Shkëlzen Berishës
Argita Malltezit
Albana Vokshit
dhe disa të tjerë.
Kam shpjeguar në detaje se si u mor peng Partia Demokratike nga Kuvendi i 30 Prillit 2022 dhe si është përdorur për interesat personale të tyre.
Jam në dispozicion të plotë të SPAK-ut për këtë çështje, si dhe për çdo çështje tjetër ku prokurorët e shohin të arsyeshme që unë mund t'ju nevojitem.
Si e tillë, deri më sot kam marrë këto hapa:
1 - Kallëzim penal në SPAK
2 - Padi civile me kërkesë për masë sigurimi, tashmë e pranuar nga Gjykata (kërkohet pezullimi i Kuvendit të 23 Majit)
3 - Denoncim të detajuar pranë zyrës së Sekretarit të Shtetit Marco Rubio dhe zyrtarëve të tjerë të lartë amerikanë
4 - Email-update për zyrtarë të lartë të EPP-së
Për sa i përket Shqipërisë, me ndihmën e SPAK-ut dhe të Gjykatës, si dhe me mbështetjen nga jashtë të DASH-it dhe EPP-së, do ta izolojmë këtë kancer që ka pushtuar opozitën dhe, si pasojë, të gjithë politikën shqiptare. Versus.al
