Kryeministri Edi Rama ka reaguar sërish për ndarjen nga jeta të ish-liderit historik të socialistëve, Fatos Nanos. Nëpërmjet një video-kartoline lamtumire të shoqëruar me mbishkrim, Rama shkruan se Nano nuk do të ndahet asnjëherë nga kujtimet e tij dhe të socialistëve.
“Mirëmëngjes dhe me këtë videokartolinë lamtumire për liderin historik të socialistëve, mikun tim të dikurshëm e të rigjetur sërish, Fatos Nanon, i cili u nda nga jeta pas një lufte sfilitëse me sëmundjen, por që nuk do të ndahet asnjëherë nga kujtimet tona e nga vendi i nderit në historinë e familjes sonë të madhe, u përcjell të gjithë atyre që e patën kryetar, shok e mik, ngushëllimet e mia vëllazërore”- shkruan kreu i qeverisë. Versus.al
Për lajmin e ndarjes nga jeta të ish-kryeministrit të vendit pati shumë reagime të politikanëve shqiptarë në Shqipëri e Kosovë të cilët e cilësuan Nanon si liderin historik që reformoi PS-në dhe ndër të vetmit liberalë që lejoi frymën e mendimit të lirë brenda forcës politike që drejtonte.
Qeveria shpalli 2 nëntorin ditë zie kombëtare, ndërsa të dielën duke nisur ngaora 08:30 në Pallatin e Kongreseve do të mbahen homazhet për t'i dhënë lamtumirën e fundit, atij që konsiderohet si lideri historik i Partisë Socialiste. Versus.al
Poll
