Kryetari i Partisë “Mundësia”, Agron Shehaj u përplas gjatë mbrëmjes me një komisioner në Tiranë dhe ministrin Ervin Hoxha gjatë numërimit të votave teksa partia e tij lufton për të marrë mandatin e dytë në kryeqytet.
Shehaj pretendoi se votat e pavlefshme po ia kalojnë një partie tjetër, ndërsa njëri prej komisionerëve pretendoi se kishte pasur një rast të tillë duke i kërkuar që mos ta zmadhonte.
Shehaj: Po flasim për votat e qytetarëve
Komisioneri: 1 votë është, 1 votë e vetme
Shehaj: një votë këtu, një votë atje bën diferencën. Bëj punën tënde aty e mos kërcëno kandidatët të lutem tani
I pranishëm në vendnumërim në Shkozë ishte edhe ministri i Brendshëm Ervin Hoxha, ndërsa Shehaj iu drejtua edhe atij përsa i takon shkeljeve gjatë numërimit.
“Është vepër penale, mos fusni duart në kuti. Unë mbaj përgjegjësi për çfarë them, ju do mbani përgjegjësi të gjithë”- u shpreh Shehaj. Versus.al
