Seanca e sotme në Parlamentin e Shqipërisë u zhvillua me tensione të forta, pasi kreu i Partisë Mundësia, Agron Shehaj, ngriti zërin për banorët e Rrjollit, të cilët prej javësh po protestojnë për të mbrojtur tokat e tyre.
Duke shfaqur foto dhe pamje të qytetarëve të dhunuar dhe tërhequr zvarrë nga policia dhe kompania e sigurisë, Shehaj iu drejtua socialistëve duke kërkuar reagim dhe ndërprerje të padrejtësisë ndaj banorëve.
“Taulant, e ke parë këtë grusht? Ky djali që po rrahet me grushte, është një 19-vjeçar që mbron pronën e tij, ku ka lindur, ku ka jetuar dhe ku është rritur. Dhe ju ia keni vjedhur,” tha Shehaj ndërkohë që iu afrua deputetëve me fotot në dorë.
Reagimi i tij dhe ngritja e zërit çuan në përjashtimin e tij nga seanca, ndërsa nënkryetarja e Parlamentit kërkoi 5 minuta pushim për shkak të tensionit të krijuar./Versus.al
