Një foto e publikuar nga Franceska Murati ka ngritur dyshimet se ish banorja e Big Brother Vip është shtatzënë.
E buzëqeshur ajo ka pozuar me dorën tek barku por nuk ka konfirmuar asgjë.
Por kur një ndjekëse ditë më parë i tha se ndodhet në martenitet, ajo u përgjigj duke i thënë shihen aty vitin tjetër.
Shpresojmë që lajmi të jetë i vërtetë dhe jo për klikime sic ndodhi në rastin e moderatores Bora Zemanit e cila në një promo të emisionit të saj shihej me dy duart e vendosura mbi bark duke lënë të kuptohet se është në pritje të fëmijës së dytë.
Moderatorja tregoi se nuk është shtatzënë duke u shprehur:
Kam dy vite që i vë me shumë frikë duart në bark. Se në momentin që unë prek barkun tim me duar jam menjëherë shtatzënë. Por jo nuk jam akoma shtatzënë. Në momentin që do jem shtatzënë, e sigurt është që do e tregoj.
Shumë ndjekës u shprehën të zhgënjyer nga ky veprim i Borës, pasi nuk ishte hera e parë që bënte një veprim të tillë, siç edhe dikush u shpreh, për më shumë shikueshmëri.
Madje disa prej tyre bënë thirrje për bojkotimin e emisionit të saj.
Gjykata e Posaçme kundër Korrupsionit dhe Krimit të Organizuar ka lënë në fuqi masën e sigurisë “arrest në burg” për tre nga të arrestuarit në kuadër të megaoperacionit të SPAK për goditjen e trafikut ndërkombëtar të drogës dhe pastrimit të parave.
Në seancën për vlerësimin e masave të sigurisë, gjykata vendosi të mbajë në burg Orest Sotën, Orgest Birçajn dhe Dritan Agën. Ndërkohë, për Gëzim Islamin u vendos lirimi për arsye shëndetësore kundrejt një garancie pasurore prej 100 mijë eurosh.
Katër të arrestuarit dolën para Gjykatës së Posaçme këtë të shtunë, ndërsa seanca nisi në orën 09:00. Procesi u ndërpre për rreth dy orë pas kërkesës së avokatëve mbrojtës, të cilët kërkuan kohë për t’u njohur me aktet hetimore të dosjes.
Pas rifillimit të gjykimit, trupa gjykuese shqyrtoi kërkesat e palëve dhe vendosi masat e sigurisë për secilin prej të dyshuarve.
Në sallëne gjyqit ishin të pranishëm kreu i SPAK, Altin Dumani, prokurorja Elida Kaçkini dhe gjyqtarja Flojera Davidhi.
Megaoperacioni i SPAK ka në fokus goditjen e grupeve të përfshira në trafikun ndërkombëtar të narkotikëve dhe skemat e dyshuara të pastrimit të parave përmes investimeve në sektorin e ndërtimit. Hetimet për këtë çështje vijojnë.Versus.al
