Besimtarët ortodoksë në të gjithë vendin festojnë sot Pashkët Ortodokse, një nga festat më të rëndësishme të besimit të krishterë.
Me lutje për paqe, shëndet dhe mirësi, ata ndoqën meshën e ngjalljes së Jezu Krishti në kisha dhe katedrale në mbarë vendin.
Në Tiranë, mesha e shenjtë u kremtua në Katedralja “Ngjallja e Krishtit”, nën drejtimin e Kryepeshkopit Joan.
Besimtarët ndezën qirinj për të marrë me vete dritën simbolike të ringjalljes së Krishtit, duke e çuar atë në familjet e tyre si shenjë shprese dhe besimi.
Festimet do të vijojnë gjatë gjithë ditës së diel, me vizita familjare dhe urime mes besimtarëve.
Pashka ortodokse kremtohet të dielën e parë pas ekuinoksit të pranverës, konkretisht pas hënës së parë të plotë të muajit. Sipas besimit të krishterë, ajo simbolizon kalimin nga vdekja në jetë, nga e Premtja e Madhe – dita e kryqëzimit – në të Dielën e Pashkëve, kur Krishti ringjallet./Versus.al
