Një 80-vjeçar ka humbur jetën pas një aksidenti rrugor të ndodhur në fshatin Udënisht, në Pogradec.
Sipas informacioneve paraprake, i moshuari është përplasur nga një automjet tip “Benz” teksa po kalonte rrugën gjatë mesditës së sotme.
Si pasojë e përplasjes, ai ka marrë plagë të rënda dhe është transportuar me urgjencë drejt Tiranës për ndihmë mjekësore më të specializuar.
Pavarësisht përpjekjeve të mjekëve, 80-vjeçari nuk ka mundur t’i mbijetojë plagëve dhe ka ndërruar jetë në ambientet e spitalit në kryeqytet.
Ndërkohë, policia ka nisur hetimet për të zbardhur rrethanat e aksidentit dhe për të përcaktuar përgjegjësitë lidhur me ngjarjen./Versus.al
Poll
