Teksa mazhoranca votonte në Kuvend Amnistinë Penale, protestuesit ndryshuan mbrëmjen e sotme për herë të parë itinerarin e marshimit, duke u drejtuar fillimisht në hyrje të Kuvendit.

Ata kanë thirrur njëzëri “Parlamenti i krimit”, ndërsa kanë pritur të dalin deputetët nga Kuvendi.

I vetmi që kërkoi të “sfidojë” protestuesit ishte deputeti socialist Ardit Bido, që duke dhënë intervistë në media, e quajti turmë, masën e qytetarëve që protestonte.

Ndërsa deputetët e tjerë, bashkë me kryeministrin Edi Rama që mori pjesë në seancën e sotme, dolën nga Kuvendi përmes një tjetër hyrje të godinës, duke shmangur hyrjen kryesore.

Një  moment tensioni është regjistruar sot gjatë marshimit të qytetarëve nga Kuvendi i Shqipërisë drejt Kryeministrisë, ku deputeti socialist Ardit Bido është shfaqur pranë protestueve teksa jepte një intervistë për mediat, edhe pse e dinte se prania e tij mund të provokonte qytetarët.

Bido i ka quajtur “turmë”, ndërsa protestuesit kanë thirrur në kor “hajdut, largohu”.

Deputeti është larguar nga forcat e policisë.Versus.al

Pasi qëndruan pranë godinës së Kuvendit duke thirrur "Opozitë e Shitur", dhe “Rama n’burg, Berisha n’burg”, qytetarët janë mbledhur para Kryeministrisë.

Një nga organizatorët e protestës, Arben Kola tha se qëndrimi i sotëm i protestuesve tek Kuvendi, ishte vetëm një paralajmërim dhe një test i vogël që ta kuptojnë këta horrat, se ne jemi çdo ditë të zgjuar dhe vigjilentë.

"Po presim momentin ashtu siç kanë bërë në Nepal dhe në Ukrainë, që i kanë hedhur në kosh dhe të rrimë rehat", tha ai.

Gjatë marshimit të protestuesve nga Kuvendi drejt Kryeministrisë, një pjesë e tyre janë përplasur me simpatizantët e PD, pranë selisë së demokratëve në bulevardin ‘Zhan D’ark.

Tensioni mes protestuesve dhe simpatizantëve demokratë erdhi për shkak të thirrjeve të qytetarëve, “Rama n’burg, Berisha n’burg”.

Kjo është protesta e 19-të qytetare kundër qeverisë, e cila synon dorëheqjen e qeverisë dhe largimin e klasës politike të korruptuar.Versus.al