Një person ka humbur jetën dhe një tjetër ndodhet në gjendje të rëndë pasi një makinë u përplas me një grup këmbësorësh të shtunën, pranë një panairi të librave komikë në Melburn, Australi.
Sipas policisë, automjeti ka hipur mbi trotuar dhe ka goditur dy këmbësorë pak para orës 17:00. Njëri prej tyre vdiq në vendngjarje, ndërsa tjetri u transportua në spital në gjendje kritike.
Një burrë është arrestuar dhe po merret në pyetje. Rrethanat e sakta të incidentit ende nuk janë të qarta dhe hetimet janë në vazhdim, njoftuan autoritetet.
Media australiane raportojnë se ngjarja ndodhi pranë eventit Supanova, i cili po tërhiqte mijëra vizitorë. Dëshmitarët thanë se automjeti u drejtua me shpejtësi drejt një grupi njerëzish.
Policia ka vendosur një perimetër të gjerë sigurie në juglindje të qytetit.
