Presidenti amerikan Donald Trump njofton se ka anuluar sulmet e planifikuara kundër Iranit, sonte, sepse "pikat përfundimtare" të një marrëveshjeje midis palëve sapo janë miratuar edhe nga udhëheqja e lartë e Republikës Islamike.
Burime i thanë CNN se ndërmjetësit kanë arritur disa "përparime" dhe janë optimistë të kujdesshëm pas përpjekjeve të udhëheqësve rajonalë për të zgjidhur pikat kyçe të ngërçit.
“Bazuar në faktin se diskutimet me Republikën Islamike të Iranit janë sjellë në nivelin më të lartë të udhëheqjes iraniane dhe janë miratuar, unë, si President i Shteteve të Bashkuara të Amerikës, kam anuluar sulmet dhe bombardimet e planifikuara kundër Iranit këtë mbrëmje”, shkroi Trump në Truth Social.
Presidenti Donald Trump listoi Shtetet e Bashkuara, Izraelin, Arabinë Saudite, Emiratet e Bashkuara Arabe, Katarin, Turqinë, Pakistanin, Bahreinin, Kuvajtin, Jordaninë dhe Egjiptin si vende të përfshira në bisedime.
Irani ka hedhur poshtë pretendimet e presidentit amerikan Donald Trump se është arritur një draft marrëveshje mes palëve për t’i dhënë fund konfliktit.
Mediat shtetërore në Teheran kanë njoftuar se Irani ende nuk ka miratuar asnjë tekst për një marrëveshje me SHBA-në.Versus.al
