Lirohen nga ambientet e izolimit në komisariatin nr.3 te rruga "Mine Peza" 19 protestuesit e arrestuar nga policia gjatë protestës tek Parlamenti më 2 korrik.

Gjykata vendosi lirimin e 19 prej tyre, ku për 12 protestues u vendos masa "detyrim paraqitje", 5 protestuesve  iu hoq akuza, ndërsa për 2 të tjerë u vendos masa “arrest në shtëpi”.

Protestuesit e liruar u pritën nga aktivistë të shumtë jashtë komisariatit nr.3 te rruga Mine Peza.

Emrat e protestuesve të liruar

Kujtim Pervataj

Romario Dushi

Ardit Ymaj

Niko Qarkaj

Ylli Shima

Ervis Gjoni

Frrok Bardhi

Rezart Pirani

Admir Tershalla

Alban Nikolli

Elvis Bici

Altin Hila – Detyrim paraqitje

Arben Lleshaj

Besard Kajmi

Aristotel Elezaj

Gentjan Progni

Durim Bami

Emrat e protestuesve me masë sigurie:

Ervin Gega – Arrest në shtëpi

Everes Bardhi – Arrest në shtëpi

Gjykata e Tiranës vendosi sot lirimin e 19 protestuesve të arrestuar në protestën para Kuvendit, më 2 korrik, të cilët akuzoheshin për prishje të pronës publike.

Për 2 prej tyre u kërkua ashpërsim i masës së sigurisë, konkretisht Everest Bardhi dhe Ervin Gega janë lënë në “arrest në shtëpi”, 5 të tjerëve iu pezullua masa e sigurisë ndërsa pjesa tjetër u dënua me masën “detyrim paraqitje”.

Mes protestuesve të cilëve iu hoq masa e sigurisë është dhe Niko Qarkaj i sëmurë epileptik.

Mes të arrestuarve janë:

Alban Nikolli, Elvis Bici, Altin Hila, Arben Lleshaj, Everes Bardhi, Gentian Progni, Besart Kajmi, Aristotel Elezaj, Ardit Ymaj, Niko Qarkaj, Ylli Shima, Durim Bami, Evis Gjoni, Frrok Bardhi, Elvis Bici, Alban Nikolli, Ervin Gega, Orgito Kaba, Iljon Shala, Kujtim Përvataj, Rezart Pirani, Admir Tërshalla, Romario Dushi.

Një nga avokatët shpjegoi se prokurori gjatë seancës kërkoi ndryshim të qëndrimit për një nga tre personat, Altin Hila, historia e të cilit u bë publike për shkak të gjendjes shëndetësore të fëmijës së tij, duke e ndryshuar nga arrest në burg, në arrest shtëpie.

Prokuroria ka pretenduar se nga pamjet filmike personat e akuzuar shiheshin teksa ushtonin dhunë dhe dëmtim të mjetit të policisë. Avokatët kërkuan lirimin, duke i cilësuar arrestet të paligjshme.

“Për personin që pati shqetësime shëndetësore është pezulluar masa e sigurisë dhe iu dha ndihma e parë pasi mbërriti ambulanca dhe masa ndaj tij vijoi pas rikthimit”, tha avokati.

Trupa gjykuese pas seancës u tërhoq edhe për vendim.

Avokati tha se protestuesit që u paraqitën në seancë kishin shenja të dhunës, mes tyre dhe Niko Qarkaj./Versus.al

Pamje nga protesta para Parlamentit

21 protestuesit e arrestuar gjatë protestës së 2 korrikut para Kuvendit vijojnë të ndodhen në Gjykatën e Tiranës, ku prej disa orësh po zhvillohet seanca për vlerësimin e ligjshmërisë së arrestimit dhe caktimin e masave të sigurisë.

Jashtë godinës së gjykatës janë mbledhur qytetarë, aktivistë dhe përfaqësues të Grupit Koordinues, të cilët po protestojnë në mbështetje të të arrestuarve dhe kërkojnë lirimin e tyre.

Sipas informacioneve, fillimisht Prokuroria kishte kërkuar masën e sigurisë "detyrim paraqitje" për të gjithë të arrestuarit.

Megjithatë, pas administrimit të provave shtesë gjatë seancës, organi i akuzës ka ndryshuar qëndrimin për tre prej tyre, duke kërkuar caktimin e masës "arrest me burg".

Ndërkohë, ka përfunduar shqyrtimi i masës së sigurisë për të arrestuarin e parë, Albion Nikolli.

Për të, Prokuroria kërkoi shpalljen të ligjshëm të arrestimit dhe caktimin e masës "detyrim paraqitje".

Nga ana tjetër, avokati mbrojtës Stefan Topalli kërkoi që arrestimi të shpallej i paligjshëm dhe ndaj klientit të tij të mos vendosej asnjë masë sigurimi.

Në argumentet e paraqitura para gjykatës, ai theksoi se Nikolli është mjek onkolog dhe se, sipas mbrojtjes, profili dhe personaliteti i tij nuk përputhen me kryerjen e veprave penale për të cilat akuzohet./Versus.al

Niko Qarkaj, një nga 21 protestuesit e arrestuar pas ngjarjeve të 2 korrikut në Tiranë, ka shfaqur probleme shëndetësore, duke bërë të nevojshme ndërhyrjen e ekipit të urgjencës mjekësore.

Sipas informacioneve, ambulanca ka mbërritur për t'i dhënë ndihmën e parë Qarkajt, ndërsa mësohet se ai vuan nga epilepsia.

Më herët, avokati i tij, si edhe protestues e aktivistë që mbështesin të arrestuarit, kanë pretenduar se Qarkaj është dhunuar gjatë arrestimit dhe më pas edhe gjatë qëndrimit në qeli.

Ndwrsa Ministri, Besfort Lamallari, është shprehur më herët  se nga informacionet që ka marrë nga policia, pretendimet e Serjanit janë krejtësisht të pavërteta dhe të pabaza.

Ndërsa shtoi se në rast se edhe AMP do të dalë në të njëjtat konkluzione lidhur me ngjarjen, atëherë do të referohen materialet për avokatin Serjani me arsyetimin se thëniet e tij kanë nxitur urrejtje./Versus.al

Organizatorët e protestave qytetare, aktivistë dhe mbështetës do të mblidhen sot para Gjykatës së Tiranës, ku pritet të zhvillohet seanca për caktimin e masës së sigurisë ndaj 21 protestuesve të arrestuar gjatë ngjarjeve të 2 korrikut para Kuvendit.

Tubimi është thirrur si një shenjë solidariteti me të arrestuarit, të cilët mbështetësit e tyre i konsiderojnë të ndaluar padrejtësisht.

Ata kërkojnë lirimin e menjëhershëm të protestuesve dhe kundërshtojnë veprimet e policisë gjatë ndërhyrjes.

Arrestimet pasuan përplasjet e forta të regjistruara gjatë protestës së 2 korrikut, kur demonstruesit u përballën me forcat e rendit pranë godinës së Kuvendit.

Pas incidenteve, policia shoqëroi dhe arrestoi disa persona, ndërsa nga tensionet mbetën të lënduar si efektivë policie, ashtu edhe protestues.

Sot pritet që Gjykata e Tiranës të vendosë mbi masën e sigurisë për 21 të arrestuarit, ndërsa jashtë godinës është paralajmëruar një tubim në mbështetje të tyre./Versus.al

21 qytetarët e arrestuar gjatë protestës së 2 korrikut para Kuvendit do të dalin sot në orën 09:30 para Gjykatës së Tiranës, ku do të zhvillohet seanca për vlerësimin e ligjshmërisë së arrestit në flagrancë dhe caktimin e masës së sigurisë.

Në mbështetje të tyre, Grupi Koordinues dhe protestuesit kanë njoftuar zhvillimin e një tubimi para godinës së gjykatës gjatë kohës që do të mbahet seanca, duke kërkuar lirimin e të arrestuarve.

Ndërkohë, mbrëmjen e djeshme protesta e 35-të qytetare në Tiranë u shoqërua me tensione pranë Komisariatit nr. 3, ku mbahen të ndaluar protestuesit e arrestuar. Pas marshimit në rrugët e kryeqytetit, një grup protestuesish u ndal para komisariatit dhe kërkoi lirimin e tyre me thirrje si "Lironi çunat".

Situata u përshkallëzua kur disa persona goditën me mjete të forta derën hyrëse dhe dritaret e godinës, duke shkaktuar dëmtime. Sipas raportimeve, disa prej tyre arritën të thyenin derën dhe të hynin në ambientet e pritjes së komisariatit.

Megjithatë, një pjesë e protestuesve dhe organizatorëve ndërhynë menjëherë, duke u bërë thirrje të pranishmëve të ndalonin aktet e dhunës. Ata theksuan se incidente të tilla dëmtojnë kauzën e protestës dhe largojnë vëmendjen nga kërkesat kryesore të qytetarëve.

21 të arrestuarit po hetohen për disa vepra penale, mes të cilave shkatërrim prone, kundërshtim dhe goditje të punonjësit të policisë për shkak të detyrës, prishje të rendit dhe qetësisë publike, organizim dhe pjesëmarrje në grumbullime të paligjshme, mosbindje ndaj urdhrit të ligjshëm të policisë, si dhe pengim të qarkullimit të mjeteve.

Sot pritet që Gjykata e Tiranës të vendosë për masën e sigurisë ndaj tyre./Versus.al

Emrat e 19 prej 21 personave të arrestuar
Kujtim Pervataj

Romario Dushi

Ardit Ymaj

Niko Qarkaj

Ylli Shima

Ervis Gjoni

Frrok Bardhi

Rezart Pirani

Admir Tershalla

Alban Nikolli

Elvis Bici

Altin Hila

Ervin Gega

Arben Lleshaj

Everes Bardhi

Besard Kajmi

Aristotel Elezaj

Gentjan Progni

Durim Bami