Moderatorja Alketa Vejsiu së fundmi ka organizuar me ndjekësit e saj rubikën ‘Ju pyesni, unë përgjigjem;.
Ndër pyetjet që ka marrë moderatorja ka qënë dhe për Big Brother VIP Kosova.
Vejsiu është shprehur se duhet të bëjë ajo një edicion, qoftë si producente apo gazetare:
"Hah, duhet ta bëja një edicion unë. Në rolin e producentes dhe gazetares së një reality shoë s’më keni imagjinuar, por do të ishte bast i fituar."
Alketa vazhdoj më tej se nëse do t’i jepej një rol i tillë ‘do të ngrinte nivelin duke kritikuar ashpër Big-un e këtij viti, për modelet e njerëzve që përfaqësojnë dhe që po sjellin porno në mes të ditës.
"Do ta prezantoja mirë, do ta ngrija nivelin, sepse te Big-u i Kosovës, me ç’shoh në rrjetet sociale, është tejkaluar çdo limit etik. Nuk jam për porno në mes të ditës, kurrsesi. Shoh skena që të krijojnë bezdi, diskomfort. Shtysa kryesore është “seksi shet”.
S’do shisja gjithçka për suksesin e një formati televiziv. TV ka një mision, është hapësirë shumë e privilegjuar. Lëre pastaj modelet që serviren, njerëzit që futen. Ka personazhe interesante, ka pastaj njerëz që nuk e di çfarë përfaqësojnë, me çfarë statusi futen. Pse duhet të bëhen model ca modele që s’përfaqësojnë asgjë, veç tundin të pasmet dhe na japin leksione erotizmi."
Për Alketën, nuk është gjithmonë seksi dhe vulgariteti që tërheqin audiencën; ajo thekson rëndësinë e zhvillimit të personazheve dhe të narrativës. Megjithatë, moderatorja nuk i vuri të gjithë në të njëjtin plan, duke pranuar se ka edhe personazhe që i pëlqejnë brenda atij formati.
"Formati, ama, është eksperiment social televiziv i provuar për numrat dhe suksesin. Nuk e kontestoj. Mendoj që, edhe duke rritur nivelin e personazheve dhe narrativën, sukses dhe lajm mund të prodhohet njësoj. I shpall luftë vulgaritetit dhe ata që futen do të doja shumë të kishin ç’të tregonin dhe sillnin. Ka personazhe interesantë që më kanë pëlqyer, ndaj s’dua ta përgjithësoj këtë qëndrim."/Versus.al
