Mal Retkoceri, ish-konkurrent i Big Brother VIP Albania 4, zgjodhi të mos takohej me babanë e tij brenda formatit, pavarësisht faktit se mes tyre kishte shtatë vite pa asnjë kontakt.
Ky vendim u diskutua gjatë bisedave me banorët në oborr, ku u përmend edhe mundësia e një pajtimi. Në një bisedë me Armela Hysenin, ajo e nxiti t’i jepte një shans marrëdhënies, duke theksuar se me kalimin e viteve njerëzit mund të reflektojnë dhe të ndryshojnë.
“Mbase ka reflektuar. Njerëzit piqen nga përvojat e jetës,” u shpreh Armela, duke shtuar se nuk dihet çfarë ka kaluar babai i tij gjatë këtyre viteve dhe se prindërit mbeten gjithmonë të tillë.
Megjithatë, Mali qëndroi i palëkundur në qëndrimin e tij, duke theksuar se raporti me të atin është i ndërlikuar dhe se aktualisht nuk ndihet gati për të rindërtuar një lidhje familjare. Vendimi i tij ka tërhequr vëmendjen e publikut dhe ka hapur diskutime të shumta.
View this post on Instagram
