Ndeshja e parë e Lionel Messit kundër një ish-klubi përfundoi me një humbje dërrmuese, pasi Paris Saint-Germain (PSG) mposhti Inter Miamin 4-0 në raundin e parë të Kupës së Botës për Klube, që u zhvillua në Atlanta të dielën.
PSG, fituesit e sapokurorëzuar të Ligës së Kampionëve, dominuan nga fillimi deri në fund, duke shënuar me anë të Joao Neves, Achraf Hakimi dhe një paraqitjeje klinike në pjesën e parë që vendosi fatin e ndeshjes në minutat e para.
Messi pati disa momente magjike, por skuadra e tij e MLS nuk mundi të barazonte intensitetin dhe cilësinë e skuadrës franceze.
Tani PSG kalon në çerekfinale, me qëllimin e qartë për të fituar trofeun e Kupës së Botës për Klube.
Atje, PSG do të përballet me Bayernin që shkatërroi Flamengon. Versus.al
Gjykata e Posaçme kundër Korrupsionit dhe Krimit të Organizuar ka lënë në fuqi masën e sigurisë “arrest në burg” për tre nga të arrestuarit në kuadër të megaoperacionit të SPAK për goditjen e trafikut ndërkombëtar të drogës dhe pastrimit të parave.
Në seancën për vlerësimin e masave të sigurisë, gjykata vendosi të mbajë në burg Orest Sotën, Orgest Birçajn dhe Dritan Agën. Ndërkohë, për Gëzim Islamin u vendos lirimi për arsye shëndetësore kundrejt një garancie pasurore prej 100 mijë eurosh.
Katër të arrestuarit dolën para Gjykatës së Posaçme këtë të shtunë, ndërsa seanca nisi në orën 09:00. Procesi u ndërpre për rreth dy orë pas kërkesës së avokatëve mbrojtës, të cilët kërkuan kohë për t’u njohur me aktet hetimore të dosjes.
Pas rifillimit të gjykimit, trupa gjykuese shqyrtoi kërkesat e palëve dhe vendosi masat e sigurisë për secilin prej të dyshuarve.
Në sallëne gjyqit ishin të pranishëm kreu i SPAK, Altin Dumani, prokurorja Elida Kaçkini dhe gjyqtarja Flojera Davidhi.
Megaoperacioni i SPAK ka në fokus goditjen e grupeve të përfshira në trafikun ndërkombëtar të narkotikëve dhe skemat e dyshuara të pastrimit të parave përmes investimeve në sektorin e ndërtimit. Hetimet për këtë çështje vijojnë.Versus.al
