Një ngjarje e rëndë ka tronditur mëngjesin e kësaj të hëne botën e sportit dhe artit shqiptar. Zemra e ish-basketbollistit dhe gazetarit sportiv, Enea Andrea, ka pushuar së rrahuri në moshën 55-vjeçare.
Sipas burimeve për mediat, Enea Andrea dyshohet se ka ndërruar jetë pas një ataku kardiak teksa po stërvitej në palestër.
Lajmi ka sjellë dhimbje të madhe në rrethin e tij familjar, tek miqtë dhe kolegët që e njihnin për energjinë dhe pasionin e tij ndaj sportit.
Në rininë e tij, Andrea ka qenë pjesë e ekipit të basketbollit të Dinamos, ndërsa më vonë iu përkushtua gazetarisë sportive, duke komentuar me pasion ndeshje të NBA-së dhe Euroligës.
Deri më tani aktorja Ema Andrea nuk ka reaguar publikisht për humbjen e vëllait të saj binjak.
Kjo humbje ka tronditur komunitetin artistik dhe sportiv në vend, ku shumë të njohur të tij kanë shprehur ngushëllimet për ndarjen e parakohshme të Eneas.
