Ndër incidentet e çuditshme të përshkruara në një biografi të re të Princeshës Diana , nga Edward White , I cili sapo është publikuar me titull " Dianaworld: Një Obsesion ", është ai ku Princesha e Uellsit dyshohet se u maskua me rrobat e një Mbretëreshe Drag për të hyrë fshehurazi në një bar gej në Londër me Freddie Mercury-n .
Thuhet se ajo mbante veshur një xhaketë ushtarake, një kapelë lëkure dhe syze aviatori.
Sipas revistës People, ajo gjithmonë ka qenë e dhënë pas " djallëzisë " së natës - edhe kur ishte nxënëse në konvikt në shkollë, ajo dilte fshehurazi nga konvikti për të kërcyer vetëm në pistën e vallëzimit të shkollës.
Megjithatë, sipas dëshmisë së aktores Cleo Rocos , ajo e çoi këtë "zakon" në ekstrem një natë kur, ndërsa shijonte shoqërinë e Kenny Everett dhe Freddie Mercury , të cilët i bindi ata ta çonin në barin e gejve në Londër, Royal Vauxhall Tavern .
Madje Everett e ndihmoi të maskohej, dhe truku i tyre funksionoi, siç pohon Rocos: " Askush, absolutisht askush, nuk e njohu Dianën " .
Ata qëndruan vetëm në bar për një pije, përpara se Diana të kthehej në Pallatin Kensington dhe t'i kthente, të nesërmen, Everett-it rrobat që ai ia kishte huazuar.
Megjithatë, ka edhe rrëfime të tjera për daljet e saj të fshehta në mbrëmje : Thuhet, për shembull, se ajo e kishte shoqëruar dashurinë e saj të madhe, kirurgun Hasnat Khan , në barin e xhazit Ronnie Scott's në Soho, duke kamufluar identitetin e saj të vërtetë pas një paruke dhe syzeve./Versus.al
