Në epokën e 2024-ës, për të qenë një sportist i suksesshëm, duhet të jesh edhe... markë. Lionel Messi , legjenda e futbollit argjentinas dhe sulmuesi i Inter Majamit, e di mirë këtë. Me 504 milionë ndjekës në Instagram, ndikimi i tij shkon përtej futbollit, pasi është përdorur për të promovuar produkte të ndryshme.
Por tani ka ardhur koha që ai të lançojë produkte me emrin e tij. Në qershor, ai lançoi markën e hidratimit sportiv "Más+ by Messi" dhe njoftoi një partneritet me kompaninë "Centric Brands" për të zgjeruar emrin e tij në produkte të tilla si veshje dhe mallra shtëpiake. Tani po hyn edhe në tregun e parfumeve.
La star argentine Lionel Messi présente son nouveau parfum "Messi, The Fragrance". pic.twitter.com/GoP1X1TDVr
— Hespress Français (@HespressFr) October 8, 2024
“I drejtohet kryesisht meshkujve të të gjitha moshave. E dija që duhej të krijonim diçka të gjithanshme në mënyrë që të gjithë ata që më ndjekin ta veshin atë”, - tha Messi për aromën e tij të parë, e cila quhet “Messi-The Fragrance”.
“Mund të vishet në raste të veçanta ose të përditshme. Është një aromë që besojmë se do të tërheqë shumë dhe është e përshtatshme për çdo rast”.
????????Lionel Messi presentó su nueva fragancia “MESSI - The Fragrance”
— Marca En Zona (@MarcaEnZona) October 8, 2024
✍????El perfume está Inspirado en capturar la esencia de la humilde pero poderosa personalidad de “La Pulga” y saldrá a la venta el próximo 10 de octubre. pic.twitter.com/ohhx2N6Psw
Aroma u krijua nga parfumeri i njohur Frank Voelkl, i cili ndër të tjera përdori kardamom nga Amerika Qendrore, gjethe molle të freskëta dhe një prekje të gjallë të selvisë së egër evropiane. Të enjten, më 10 tetor, parfumi do të dalë ekskluzivisht në dyqanet "JCPenney", ku do të shitet për një vit, me çmimin 66 euro për shishe 100 ml.
Sheralven, distributori i aromës, zgjodhi JCPenney si shitësin fillestar ekskluziv duke pasur parasysh luksin e përballueshëm që projekton. Aroma e Messit do të jetë e disponueshme online dhe në të gjitha dyqanet e zinxhirit që mbajnë produkte kozmetike.
Për të promovuar aromën gjatë sezonit të festave, JCPenney do të krijojë ekrane në dyqan dhe do të vërë në dispozicion një paketë kujdesi që përfshin aromën dhe një banjë me flluska me çmim 80 €.
Megjithatë, nuk do të jetë çudi nëse vetë Messi do të shfaqet në një dyqan, diçka që David Beckham e kishte bërë =në vitin 2023 (në Nju Jork) kur po promovonte parfumin e tij përmes së njëjtës kompani.
