Eduard Kuçi ka reaguar publikisht pas eliminimit nga “Big Brother VIP Kosova 4”, duke folur hapur për eksperiencën e tij në shtëpi dhe për raportet me disa nga banorë. Gjatë një interviste, Edi ka komentuar afrimitetin që Dolce ka pasur brenda shtëpisë me banorin e ri Lim Hotin, ndërkohë që vetë ai kishte krijuar një raport të afërt me të. Sipas tij, mënyra se si Dolce është shfaqur në publik nuk ka qenë pozitive për imazhin e saj.
“Në sytë e mi nuk është mirë se del keq në publik. Një herë me atë, një herë me këtë. Në kuadër të lojës është mendjelehtë. Femër është e bukur, edhe live e ka bukurinë. Në shtëpi është vajza më e bukur, ka personalitet,” u shpreh Kuçi.
Ai shtoi gjithashtu se një femër, edhe brenda një loje, duhet të ruajë respektin për veten dhe kufijtë personalë.
“Gjithë ajo femër me e lëshu veten kështu vetëm atë e kam parë. Edhe në lojë, femra duhet me mbajt veten, duhet me pas respekt për veten. S’bëhen ato gjeste,” deklaroi ai.
Edi zbuloi se Dolcen e njihte edhe para hyrjes në “Big Brother VIP Kosova”, duke theksuar se afrimiteti dhe emocionet e shfaqura brenda shtëpisë kanë qenë pjesë e lojës dhe jo ndjenja reale.
“E kam njohur Dolcen edhe para Big Brother. Ajo që ka ndodhur, lotët që i kam nxjerrë, ka qenë lojë. E njoh nga jashtë. Nuk kam pasur ndjenja ndaj saj,” tha ai. Versus.al
