Ish-banorja e “Big Brother VIP Albania 4”, Jori Delli, ka shpjeguar përmes një postimi në Instagram arsyen e mungesës së saj të fundit nga rrjetet sociale.
Ajo ka zbuluar se babai i saj ka pësuar një infarkt gjatë qëndrimit në Shqipëri, gjë që e ka detyruar të tërhiqet përkohësisht nga aktiviteti publik.
Delli ka shprehur pakënaqësi për shërbimin e marrë në Spitalin Rajonal të Vlorës, duke e cilësuar të papërgatitur për menaxhimin e rasteve emergjente.
Postimi i plotë:
Përshëndetje miq
Këto ditë kam munguar në rrjetet sociale sepse babai im u sëmur shumë rëndë.
Ai ndodhej për disa ditë në Shqipëri dhe pësoi një infarkt.
Fatmirësisht vëllai im shkoi ta vizitonte dhe arriti ta çonte në kohë në spital.
Për fat të keq, në Vlorë nuk mori kujdesin e duhur: Spitali atje nuk është i përgatitur aspak për raste emergjente.
Mendoni që e dërguan në Tiranë dhe ambulanca mbërriti vetëm pas një ore; babai im duhej të bënte edhe dy orë e gjysmë rrugë me ambulancë për të mbërritur në kryeqytet.
Në të kundërt, kam vetëm fjalë mirënjohje për spitalin QSUT në Tiranë: falënderoj me gjithë zemër stafin, infermierët dhe mjekët që u kujdesën për të dhe që me një operacion të suksesshëm i shpëtuan jetën.
Me shpresën që shteti shqiptar të vendosë të investojë jo vetëm në turizëm dhe infrastrukturë të re, por edhe – dhe mbi të gjitha – në shëndetësi, duke vënë shëndetin dhe jetën e qytetarëve në vend të parë”.
